(melodie: rote Rose, rote Lippen)
In 't Limburgs huëvellând
aan de greune maasdalkânt
liegk e duerpke gaans alléin
zoe aardig en kléin
dao is 't röstig sjtèl
va Fontein tot Boeënderdèl
en de lúi-j ziên good en blíj
zoe neurges wie héij
Refrein
Oe iech gaon en sjtaon, iech deenk altiêd zoe gaer
aan de plaatsj oe iech geboeëre bin aa Keer
oe iech zjwerf ter waereld, toch kom iech ‘ns weer
truuk nao mie Keer, truuk nao mie Keer
oe iech gaon en sjtaon, iech deenk altied zoe gaer
truuk nao mie Keer, truuk nao mie Keer
Ins sjtóng op 't kèrrekplein
de aw lín en der pöt beej êin
de kojle langs de sjtraot
me wies gêine raod
me haet alles opgerúimp
oe m’n noow nog soms va drúimp
va de goje’n ouwe tiêd
dae zunt v'r noow kwiêt
Refréin
Keump sjnachs 'ne leve drúim
zeen iech sjtruuk en forsje búim
sjtoeën de blomme vol in fleur
iech ruuk hunne geur
’t zoeëmer-zon-gewêld
sjtêit op ’t gouwe koeërevêld
en dan zingt doeër mie gedach
e leed sjtèl en zach
Refrein